Размер шрифта: A AA Изображения Выключить Включить Цвет сайта Ц Ц Ц Х
МОУ Алагарская СОШ имени Г. Д. Протодьяк Воскресенье, 20.09.2020, 11:07
| RSS
Меню сайта

Наш опрос
Оцените мой сайт
Всего ответов: 86

Главная » 2012 » Ноябрь » 27 » Региональнай КВН. http://old.churap.ru сонуннарыттан
Региональнай КВН. http://old.churap.ru сонуннарыттан
07:03

„Саха сирин тымныытыгар Саха КВН тыына сылытар"
13-с Региональный КВН сэтинньи 24-25 күннэрэ 2012 сыл Чурапчы сэлиэнньэтэ.


КВН историятыттан кыратык ахтан ыллахха, бастакы сахалыы тыллаах  региональнай күрэх Чурапчыга 1998 сыллаахха Петр Калачев көҕүлээһининэн  Илин эҥэр улуустар күрэхтэрэ ыытыллыбыта. Бу онньууга Амматтан  «Седьмое небо» диэн  оройуон холбоһук  хамаандата, Уус-Алдантан Лөгөй оскуолатын хамаандата, Тааттаттан «Чөркөөх уоланнара»,  Чурапчыттан «Арылы»  диэн Мындаҕаайы хамаандата кыттыбыттара.

Улууспутугар дьиибэлээх-дьээбэлээх оҕолор сахалыы тыллаах „Саха сирин тымныытыгар Саха КВН тыына сылытар" диэн 13-с региональнай КВН оонньуулара сэтинньи 24-25 күннэригэр „Айылгы" сынньанар киинигэр буолан ааста. Барыта 12 хамаанда 6 улуустан кыттыыны ылла: „Саҥа кэм" (Майа, Мэҥэ-Хаҥалас), „Чолбон" (Чурапчы о.о.), „Тап-тал" (Саһыл, Томпо), „Абытыый-абытай" (Чурапчы гимназията),  „ДДТ сборная" (Оҕо дьоҕурун сайыннарар киин, Амма), „Сытыы сырбайдар" (Алаҕар о.о.), „Сайдам" (Туора күөл, Таатта), „Ситик" (Оҕо дьоҕурун сайыннарар киин, Таатта), „Күн оҕолоро" (Эмис, Амма), „ЖКХ" (Матта, Мэҥэ-Хаҥалас),  „Көрдөөх Engles" (Мүрү, Уус-Алдан), „Лөгөй өрүөлчээннэрэ" (Лөгөй, Уус-Алдан),  уопсайа 100-тэн тахса оҕо кыттыыны ылла. Дьүүллүүр сүбэ председателинэн Геннадий Иванович Охлопков, Саха республикатын оҕо общественнай холбоһуктарын союһун председателэ, чилиэннэринэн Саха республикатын СахаКВН Лигатын чилиэннэрэ Михаил Охлопков, Алеся Сосина, Жанна Павлова, Иван Филиппов, Варя Павлова үлэлээтилэр.

Күрэх сүрүн соругунан республикабытыгар сахалыы тыллаах КВН хамсааһынын сайыннарыы, тарҕатыы, кыттааччылар сценическай культураларын уонна айар дьоҕурдарын үрдэтии. 
КВН оонньуутун иилээн-саҕалаан республикатааҕы СахаКВН бастын оонньооччулара Надя Сидорова, Спартак Ларионов ыыттылар.

Бастакы күн „Бэйэни билиһиннэрии", „Ыйытынньык" түһүмэхтэрэ ыытылыннылар. Бэйэни билиһиннэриигэ хас биирдии хамаанда ис сүрэхтэриттэн сөбүлээн дьарыктаналлара, сирэйдэрэ-харахтара, туттуулара-хаптыылара чэпчэкитэ, дьиибэлэрэ-дьээбэлэрэ элбэҕэ, биир түмсүүлээхтэрэ тута көстөр. Ордук сахалыы тыллаах сэргэх „Ситик" „Сытыы сырбайдар", „Көрдөөх Engles", „Лөгөй өрүөлчээннэрэ"   былааһы ыллылар. Саалаҕа күлүү-салыы, көрөөччүлэр бары да хамаандалары көрөн дууһалыын сынньанныбыт.

Иккис түһүмэххэ  хамаандалар бары да араас хабааннаах ыйытыылары толкуйдаан, интэриэһинэй эппиэттэри биэрдилэр. Ордук табыллан „Ситик", „Саҥа кэм", „Сытыы сырбайдар", „Сайдам", „Чолбон", бэргэн эппиэттэри биэрэн көрөөччүлэри үөртүлэр. Ол курдук „Статистика быһыытынан эр дьон дьахталлартан кылгастык олороллор. Тоҕо?" диэн ыйытыыга араас быһаарыылартан биирдэстэрэ „Дьахталлар сериал көрөн уһуннук олороллор" диэн буолла. Ол быыһыгар „Таатта уола талах курдаах, салҕаан..."  диэннэ  „Эмис уола эмис истээх", „Чурапчы бадараана элбэх", „Мэҥэ уола хара мэҥнээх", „Матта уола кура суох" диэн араас эппиэттэр киирэн саала быара суох олордо.

Үһүс  түһүмэххэ хамаандалартан биирдии оҕо көрүдьүөһү кэпсииргэ күрэхтэстилэр. 12 киһиттэн сыыйыллан сыыйыллан бүтэһигэр Дарияна Максимова „Сытыы сырбайдар", Саша Ноговицын „ДДТ сборнайа" хаалан бүтэһигэр Дарияна (хамаанда капитана) кыайыылааҕынан ааттанна.

Төрдүс түһүмэх „Фристайл"  „Мин киэн туттабын...„ диэн теманан барда. „Көрдөөх Engles",  „Сытыы сырбайдар",  „Ситик", „ДДТ сборная"  „Чолбон", „Саҥа кэм" хамаандалара табыллан оонньоотулар.

    Дьүүллүүр сүбэ түмүк таһаарар кэмигэр хамаандалар бэйэлэрин эҕэрдэ нүөмэрдэрин көрдөрдүлэр. 
  • 1 миэстэ - „Сытыы сырбайдар";
  • 2 миэстэ - „Ситик";
  • 3 миэстэ - „Чолбон" ааттаннылар.

  • Саталлаах саарын (Бастыҥ салайааччы) – Вера Николаевна Ноговицына, Александра Николаевна Шеломова ааттаннылар.
  • Күн күлүүк (Мисс КВН) – Аина Местникова, „Чолбон". 
  • Көрдөөх көкөт (Мистер КВН) –Саша Ноговицын „ДДТ сборная"

Хадаартан, Хаяхсыттан КВН сэргээччилэр кэлэн анаан-минээн көрөн бардылар. Бары хамаанда чилиэннэригэр, салайааччыларыгар тэрийээччилэр ааттарыттан улахан махталбытын тиэрдэбит. 
Инникитин даҕаны Саха КВН сайда турдун!

Светлана Сивцева.
Просмотров: 619 | Добавил: alagar | Рейтинг: 0.0/0 |
Всего комментариев: 0
Имя *:
Email *:
Код *:
Календарь новостей
«  Ноябрь 2012  »
ПнВтСрЧтПтСбВс
   1234
567891011
12131415161718
19202122232425
2627282930

Поиск

Друзья сайта

Статистика

Copyright MyCorp © 2020Сайт создан в системе uCoz